Nataniël gesels oor inperking, nuwe projekte en gewigverlies

Nataniël het vanjaar  met 'n splinternuwe reeks, 'Toegang' op kykNET teruggekeer.

So stylvol soos altyd en geklee in sy kenmerkende ontwerpersuitrustings, gaan Nataniël met net ‘n opslaankombuis tot sy beskikking kook in plekke waartoe die publiek vir maand geen toegang gehad het nie. En die opslaankombuis? Net ‘n elektriese stoofplaat, twee panne, een pot en ‘n tassie met net die nodigste gereedskap vir nog ‘n smul-maal.

“Dit was wonderlik om toegang te kry tot plekke waar min mense toegelaat word,” sê Nataniël.

Nataniël het ook gesels oor inperking, nuwe projekte en gewigverlies. 

LEES: Nataniël kry 'Toegang' tot nuwe reeks

"Vir vier maande het ek niemand gesien nie. Dit was fantasies! Ek het alles self gedoen."

"Deur die inperking was almal op verskillende plekke, en dit het my forseer om alles self te doen. Ek het ook aan nuwe projekte gewerk. Ek hou van werk. Dit is vir my soos speel." 

Nataniël het ook genoem dat hy nie 'n baas het nie, so hy kan doen net wat hy wil. 

"Ek nodig net twee Provitas, 'n KitKat, 'n halwe avokodo en ek is gelukkig." 

Met sy besige skedule het Nataniël ook gewig verloor. 

"Ek het elke dag tussen 20km en 30km gestap. Ek het 11kg verloor."