Wie was jou gunsteling '7de Laan'-karakter?

Updated July 18, 2023, 5:59 a.m. | By Etienne Bruwer

Breakfast with Martin Bester het besluit om hulle gunsteling-karakters van die ikoniese sepie te deel.

Weeksaande voor die televisie sal vir duisende Suid-Afrikaners glad nie meer dieselfde wees wanneer die ikoniese sepie '7de Laan' in Desember tot 'n einde kom nie.

In 'n gesamentlike verklaring Maandagmiddag het die SABC en Danie Odendaal-produksies aangekondig dat die gewilde sepie na 23 jaar tot 'n einde sal kom.

KYK: Donnalee en Ivan deel lokprent vir senutergende riller

'7de Laan' word sedert 4 April 2000 op SABC2 uitgesaai. "Die sepie het beslis 'n bydrae gelewer om Suid-Afrikaners te help met die oorgang na 'n demokratiese staat en het kwessies soos interrassige en homoseksuele verhoudings aangeraak.

"Oor die jare het dit ook talle maatskaplike euwels belig, insluitende geslagsgeweld, dwelmverslawing, ontvoering en mensehandel.

"Baie Suid-Afrikaners het ook Afrikaans leer praat deur na die taal op '7de Laan' te luister en die Engelse onderskrifte te lees," lui die verklaring.

Vir jare het '7 de Laan' genot en vermaak na talle huishoudings in Suid-Afrika gebring.

KYK: '7de Laan' se 'Bart' vier nuwe musiek op Breakfast with Martin Bester

Die storielyne was grypend, maar dit was werklik die herkenbare, veelsydige en soms eksentrieke karakters wat ons werklik aan ons televisies vasgenael het.

Volgens Martin Bester, het hy nog nie "'n sekonde van '7de Laan' gekyk nie". Hy het wel luisteraars gevra om hulle gunsteling karakters van die gewilde sepie te deel.