Is dié 'Boer Soek 'n Vrou' se nuwe aanbieder?
Op Vrydag, het Leah aangekondig dat sy die program na twee seisoene verlaat.
Donderdagaand was die laaste episode van 'Boer Soek 'n Vrou' uitgesaai - en die gewilde Afrikaanse sangeres Leah het ook aangekondig dat sy die liefdesprogram met 'n 'swaar hart' verlaat.
LEES OOK: 'Ek soek net liefde - ek soek net 'n normale ou' - 'Boer Soek 'n Vrou' se boer Damian
Leah het 'n foto op Instagram gedeel van die groep broere met hul nuwe liefdes met die volgende byskrif: "Met ‘n BAIE swaar hart het ek vir oulaas vanaand op Boer Soek ‘n Vrou verskyn. Wat ‘n avontuur! Seisoen 12 was vir my ekstra spesiaal en ek is so trots op die reeks en wat ons vermag het. Ek kannie genoeg dankie sê vir die ongelooflike ervaring en die ondersteuning wat ek van julle almal ontvang het nie. Dit was ‘n journey wat my vir altyd en ewig sal bybly!"
Leah het ook verder genoem dat sy baie geleer en gegroei het en lewenslange vriende tydens die produksieproses gemaak het.
"Dit het sy uitdagings gehad, maar dit was regtig ‘n onbeskryflike tyd in my lewe," voeg sy by.
Wie is volgende?
Maar die groot vraag is nou - wie is die volgende aanbieder van 'Boer Soek 'n Vrou?'
Jacaranda FM se digitale-span glo díe persoonlikhede sal perfek wees vir die nuwe seisoen.
KARLIEN VAN JAARSVELD
ELMA SMIT
WILLEM BOTHA
ELANA AFRIKA-BREDENKAMP
SEAN VAN NOORDWYK
@kykNETtv @boersoeknvrou As julle oudisies hou vir ‘n nuwe aanbieder asb asb asb gee my ‘n kans 🙏🏼❤️ https://t.co/Rjvu2CD8pt
— Sean van Noordwyk (@seanvannoordwyk) January 10, 2020