Redakteur amper 'n miljoenêr
Susan Booyens het besluit om die R500 000 te vat al was haar R1-miljoen-antwoord reg.
In Woensdagaand se uitsending het Susan Booyens (55) slegs die tweede deelnemer geword sedert die afskop van die gewilde kykNET-vasvrareeks 'Wie Word 'n Miljoenêr?' wat R500 000 met haar algemene kennis losgeslaan het. Die sakejoernalis en skrywer, Theunis Strydom, het in die eerste seisoen van die reeks ook R500 000 gewen.
Dit was so hittete, of Susan het met daardie miljoen weggeloop. As dit net nie vir Suid-Afrika se voormalige eerste minister, Jan Smuts, was nie...
Haar vinnige vingers het haar in die warm stoel voor die aanbieder Rian van Heerden laat beland toe sy die enigste deelnemer was wat ikoniese Suid-Afrikaanse boeke in die korrekte orde van publikasiedatums kon rangskik.
In haar bekende rustige stem het sy telkemale sonder huiwering vir Rian haar antwoorde ferm bevestig met "en dit is my finale antwoord".
Dit was so hittete, of Susan het met daardie miljoen weggeloop. As dit net nie vir Suid-Afrika se voormalige eerste minister, Jan Smuts, was nie...
Haar vinnige vingers het haar in die warm stoel voor die aanbieder Rian van Heerden laat beland toe sy die enigste deelnemer was wat ikoniese Suid-Afrikaanse boeke in die korrekte orde van publikasiedatums kon rangskik.
In haar bekende rustige stem het sy telkemale sonder huiwering vir Rian haar antwoorde ferm bevestig met "en dit is my finale antwoord".
Die baie flink dinker huiwer nie om enige uitdaging te takel nie. Kykers sal haar onthou as 'n televisie-aanbieder, maar sy is ook 'n senior subredakteur by 'n mediareus en 'n multimedia-joernalis.
Is jy spyt jy het nie maar die waagkans met jou antwoord vir die Jan Smuts-vraag gevat nie?
"Oe, dis maklik om ná die tyd te bespiegel, maar nee wat, glad nie. My glas is altyd vol pleks van half of leeg, ek is diep dankbaar vir die stewige meevaller wat ek wel gekry het. Net om te gaan deelneem was waagmoedig genoeg, en om verby die “Vinnige vingers”-ronde te vorder!"