Refentse se album nou trippel-goud
Refentse, se debuut album "My Hart Bly In 'n Taal" het trippel-goue status bereik.
Die 19-jarige Refentse het 'n internet sensasie geword, nadat 'n video van hom op sosiale media gesirkuleer is, waarin hy verskeie Afrikaanse liedjies sing.
Select Musiek het dié talentvolle sanger 'n platekontrak aangebied en die res is geskiedenis.
Daar is op 17 November bevestig dat meer as 46 000 albums reeds verkoop is sedert die bekendstelling in April verlede jaar.
LEES OOK: Dozi and Refentse sing 'Ou Ryperd'
"Dit is 'n merkwaardige mylpaal, veral vir 'n debuut album," sê Select Musiek in 'n verklaring.
"Trippel goud is 'n onbeskryflike voorreg en ek is dankbaar vir elke hand wat my van kleins af gebring het tot waar ek nou is, en ook in besonder vir diegene wat die musiek wat ons maak ondersteun, inneem en waardeer, " sê Refentse.