"Ek is jammer" - Wynland-huisvrou meng pille en drank in vurige episode
Dr. Michelle van Zyl, wat deel is van 'Die Real Housewives van die Wynlande', het verklaar dat sy in die vorige episode vreemd opgetree het omdat sy pille en alkohol gemeng het.
Dr. Michelle van Zyl, het op 'n Facebook-plasing erken dat haar gedrag vreemd was omdat sy pille en alkohol gemeng het.
LEES: 'Almal skinder oor almal' - Die kloue kom uit op die 'Real Housewives'
"Ek het antihistamien vir my kat-allergie geneem en 'n glas vonkelwyn het my lomerig gemaak," het sy verklaar.
Die huisvroue het by Anita Lloyd gaan kuier, wat verskeie katte het.
"Ek dink die vonkelwyn en die medikasie het nie lekker saamgespeel nie," het sy bygevoeg.
LEES: "Ek vat nie k*k nie!" - Die Wynland-vrouens bring gróót drama
Sy het ook bygevoeg dat dit belangrik is om nie medikasie en alkohol te meng nie.
"Dit kan gevaarlike newe-effekte hê."
Aanhangers het haar bedank vir haar eerlikheid.
"Ek het 'n fout gemaak, en daaroor is ek jammer."
'Die Real Housewives van die Wynlande' wys Donderdae om 20:00 op kykNET (DStv-kanaal 144). Episodes is ook op DStv Catch Up beskikbaar.
Volg ons op sosiale media: