KYK: Brakpan-inwoner se karavaan laat mense twee keer kyk
Talle inwoners stop eers om na die unieke karavaan te staar...
Hoekom sal 'n mens net 'n doodgewone karavaan wil hê as jy eerder 'n modulêre en futuristiese karavaan kan hê wat mense twee keer laat kyk?
Dit is presies wat Brakpan-inwoner Jan Nicholl gedink het.
LEES: Geliefde 'Fynskrif'-aktrise sterf
Nicholl (53) het 'n een-van-sy-soort karavaan gebou met 'n unieke, futuristiese styl.
Volgens Brakpan Herald beskryf sy vrou, Hannetjie Nicholl, dié karavaan as 'n luukse hotelkamer op wiele.
Sy het bygevoeg dat die karavaan met items wat in 'n algemene hardewarewinkel gevind kan word, gebou is.
Die onderstel is deur 'n maatskappy verskaf, en die sonkragstelsel is later bygevoeg, maar die struktuur van die karavaan is volledig deur Jan ontwerp en gebou.
Hy en sy gesin is mal oor kamp en het 'n ander karavaan besit, wat glo nie die ideale grootte vir hom en sy vrou was nie.
Die paartjie het hulle karavaan verkoop, en nadat Jan 'n soortgelyke karavaan in 'n tydskrif gesien het, het hy besluit om dit self te bou.
KYK: Mej. SA se emosionele stryd met geboorte van babadogter
Volgens Brakpan Herald het die bouproses ongeveer vier maande geduur.
Sonder ‘n werkswinkel het Jan in sy erf gewerk, en danksy sy ambag het hy reeds die nodige toerusting en kundigheid gehad.
Die karavaan weeg byna twee ton, met 'n hoogte en breedte van 2,1 meter en 'n lengte van 6 meter.
Binne is daar 'n lugversorger, 'n sonkragstelsel, 'n volledig toegeruste badkamer met stort, toilet en wasbak, 'n ingeboude yskas en mikrogolfoond, en selfs 'n televisie.
"Ons het al 3 000 km getoer sonder enige probleme," vertel Jan.
Jan is selfs besig om sy ontwerp te patenteer en sê dat die bouproses hom waardevolle lesse geleer het.
Skakel in op 'Breakfast with Martin Bester', weeksdae van 06:00-09: 00. Stroom die program regstreeks hier of laai ons mobiele app hier af.
Luister na Jacaranda FM:
- 94.2
- Jacaranda FM App
- http://jacarandafm.com
- DStv 858/ OpenView 602
Volg ons op sosiale media:
FOTO: Brakpan Herald