KYK: Jan Bloukaas deel kankerstryd in dokumentêre reeks
“As ek nie kanker gekry het nie, sou ek nie die Here ontmoet het nie.”
Hy het reeds op hoërskool 'n paar trefferliedjies gehad.
Die grootste daarvan was 'Kaas elke dag' en 'kykNET en chill', en dit het gelyk of Jean du Plessis, beter bekend as Jan Bloukaas, se lewe en loopbaan in 2018 goed op dreef was.
In September 2022 het hy egter op 22-jarige ouderdom slegte nuus met sy aanhangers op Instagram gedeel: Hy is met breinkanker gediagnoseer.
KYK: 'Hartklop'-aktrise wéér swanger
Sedertdien was dit 'n pad met verskeie oppe en affe, maar opgee was nooit vir hom 'n opsie nie.
Op 4 Desember om 20:00 kry kykNET-kykers 'n intieme blik op hoe dit nou met Jan Bloukaas gaan in 'n spesiale aflewering van 'Net Mens', die program waar bekendes hulle harte oopmaak en dikwels 'n weerlose sy van hulself wys.
Die uitsonderlike reeks 'Net Mens' word vervaardig deur StraatkatMedia met Reyhardt Hugo aan die stuur.
'Net mens: Jan Bloukaas' begin roerend met Jan, deesdae in 'n rolstoel, wat 'n gebed doen waarin hy seën vra vir almal betrokke en verklaar dat hy die mense vergewe wat hom te na gekom het.
In hierdie spesiale program oor Jan Bloukaas, word daar gepraat met van Jan se vriende en kollegas in die musiekbedryf, onder andere die musiekvervaardiger Deon Dee, saam met wie Jan steeds werk en musiek skryf.
Deon vertel hoe Jan Bloukaas se album 'Vreemdeling' voltooi is net voor Jan sy eerste chemoterapie gekry het.
Die sangeres Janie Bay deel die storie agter haar en Jan se liedjie 'Sterre brand'. Skoolvriende onthou hulle jeug saam met Jan.
Hunter Kennedy kom kuier, en die gesprek draai na geloof. Jan speel ook vir Hunter liedjies van die album waaraan hy vanjaar gewerk het – die album wat moontlik sy laaste gaan wees.
KYK: Oud-Springbok nuwe hoof van rugbyafrigting by Monnas
Jan se ouers, Daan en Ronelle du Plessis, wat hulle seun deurentyd met soveel liefde ondersteun, is 'n belangrike deel van die program.
Hulle vertel van die oomblik wat hulle van Jan se diagnose gehoor het tot nou waar hy weer by sy ouers woon en hulle hom versorg. Sy broers, Johan en Stephan, praat ook oor hulle kleinboet.
Moenie hierdie eksklusiewe en sielvolle program misloop nie.
'Net mens: Jan Bloukaas' word 4 Desember om 20:00 op kykNET (DStv-kanaal 144) uitgesaai en sal ook op DStv Stream en Catch Up beskikbaar wees.
Tune in to the 'Breakfast with Martin Bester', weekdays from 06:00 - 09:00. Stream the show live here or download our mobile app here.
Listen to Jacaranda FM:
- 94.2
- Jacaranda FM App
- http://jacarandafm.com
- DStv 858/ OpenView 602
Follow us on social media:
IMAGE: kykNET/ Verskaf