KYK: Voormalige Mej. SA kuier by president Trump
Die voormalige Mej. SA, Demi-Leigh Tebow, het onlangs by Trump in die Withuis gaan kuier.
'n Onlangse foto wat op sosiale media gedeel is, het Suid-Afrikaners en die res van die wêreld aan die gons gehad.
In die foto staan die voormalige Mej. Suid-Afrika en Mej. Heelal, Demi-Leigh Tebow, en haar man, Tim Tebow, by die Amerikaanse president Donald Trump in die Withuis se Oval Office.
KYK: Demi Lee Moore deel trouvideo in nuwe musiekvideo
Tim, 'n voormalige NFL-voetbalspeler, het by Trump gaan kuier terwyl hy die Universiteit van Florida se mansbasketbalspan ondersteun het tydens die March Madness Final Four-toernooi.
In Margo Martin, 'n spesiale assistent en kommunikasie-adviseur van Trump, se X-plasing staan Marco Rubio, minister van buitelandse sake, ook saam met die Tebow-egpaar agter Trump.
Kyk hier:
A couple of Gators in the Oval Office 🐊@TimTebow @DemiTebow @SecRubio pic.twitter.com/TBjFOVf9pk
— Margo Martin (@MargoMartin47) April 1, 2025
Volgens Fox News het beide Rubio en Tim die Universiteit van Florida bygewoon. Die foto wys hoe die Tebows en Rubio die kake van ‘n krokodil met hul arms naboots.
Netwerk24 berig dat dié gebaar, bekend as die "Gator Chomp," 'n gewilde tradisie van Tebow en Rubio se alma mater, die Universiteit van Florida, is. Die universiteit se voetbalspan staan ook as die Gators bekend en het ‘n alligator as gelukbringer.
Die bytgebaar word glo gereeld by sportgeleenthede gewys.
LUISTER: Man in hegtenis na aanval op Appel se skoonpa
Meer inligting oor die Tebow-egpaar se besoek aan president Trump is nog nie bekend nie, maar daar is bewerings dat die besoek oor die Wet op Hernude Hoop van 2024 gegaan het.
Tebow het steun uitgespreek vir die Renewed Hope Act, wat volgens wetgewers "die VSA se Departement van Binnelandse Veiligheid se vermoëns sal verbeter om slagoffers van aanlyn seksuele uitbuiting van kinders beter te identifiseer, te red en te beskerm, en om kinderuitbuiters voor die gereg te bring."
Tebow het deur sy stigting, die Tim Tebow Foundation, met Homeland Security Investigations saamgewerk met die missie om slagoffers van seksuele mishandeling van kinders te identifiseer en te red.
Skakel in op 'Breakfast with Martin Bester', weeksdae van 06:00-09: 00. Stroom die program regstreeks hier of laai ons mobiele app hier af.
Luister na Jacaranda FM:
- 94.2
- Jacaranda FM App
- http://jacarandafm.com
- DStv 858/ OpenView 602
Volg ons op sosiale media:
FOTO: X/ Margo Martin