SA sangeres se ma sterf
Die Suid-Afrikaanse sangeres het onlangs op sosiale media bevestig dat haar ma oorlede is.
Slegs ses dae gelede het die Suid-Afrikaanse sangeres Corlea Botha bevestig dat haar ma en bestuurder, Mesadi Botha, in hoësorg is en "baie baie siek" is.
Op Saterdag, 23 November, het Botha op sosiale media aangekondig dat haar ma ongelukkig oorlede is.
LUISTER: Rasistiese WhatsApp-stemnota skok SA
"My mamma is vandag na haar hemelse huis toe," het Botha op sosiale media geskryf saam met 'n pragtige foto van haar ma.
"Ek weet sy was reg. Ek weet haar saak was reg. My hart is seer. Maar ek is dankbaar dat haar lyding weg is," het sy bygevoeg.
Volgens die 'Swart Koffie'-sangeres se plasing is haar ma op 11 November met fase-4 kanker gediagnoseer wat ook na haar lewer en longe versprei het.
"Dit het onwerklik vinnig gebeur," het sy geskryf.
LEES: Brendan Peyper maak oop ná gerugte oor getroude vroue
Al was Mesadi se diagnose baie onlangs gemaak, was haar kanker reeds terminaal.
"Ek wil dankie sê vir elke liewe boodskap en gebed. Ek wil dankie sê aan dr. Nel, dr. Haywood en die Unitas-hospitaal se personeel. Ek sê dankie aan my naaste sirkel – julle het my gedra. My hartsmense."
Jacaranda FM wil graag ons innige simpatie met Botha en haar familie deel in hierdie moeilike tyd.
Skakel in op 'Breakfast with Martin Bester', weeksdae van 06:00-09: 00. Stroom die program regstreeks hier of laai ons mobiele app hier af.
Luister na Jacaranda FM:
- 94.2
- Jacaranda FM App
- http://jacarandafm.com
- DStv 858/ OpenView 602
Volg ons op sosiale media:
FOTO: Instagram/ Skermgreep