Nadia Beukes gesels oor Ingrid Jonker produksie
Vir die eerste keer op die verhoog word die intieme en hartstogtelike liefdesbriewe tussen Ingrid Jonker en André P. Brink in 'Ingrid: 'n Vlam in die Sneeu' vertel.
Hierdie aangrypende teaterproduksie, aangebied deur Scenario Productions en Die Centurion Teater, bied 'n diep menslike blik op Jonker se wêreld—haar poësie, haar passie, en haar onblusbare soeke na vryheid wat haar lewe gevorm het.
READ: 'We knew it was magic' - 'Egoli' cast reunite after years
Die produksie is geïnspireer deur 'Vlam in die Sneeu: Die liefdesbriewe tussen Jonker en Brink', die gepubliseerde versameling briewe wat die basis van hierdie roerende liefdesverhaal vorm.
Lizelle Pike vertolk die komplekse rol van Ingrid Jonker en bring die digter se onblusbare gees, innerlike stryd en ongetemde kreatiwiteit na die verhoog.
KYK: Demi Lee Moore is swanger!
Die produksie word gelei deur die regisseurs Nadia Beukes, Tiaan Kirsten-Lubbe en Lian Sachse, wat 'n samewerkende benadering volg om ‘n dinamiese en meesleurende teaterervaring te skep.
Dit is vir my ‘n ongelooflike voorreg om van ‘n kreatiewe oogpunt betrokke te wees by die ontwikkeling van hierdie produksie. Dit is ‘n storie wat nie net eer betoon aan twee mense se liefdesverhaal nie, maar ook ‘n inspirasie vir almal wat dit gaan beleef.
Die teks en nuwe musikale toonsettings is die werk van die bekroonde digter en skrywer Jak J. Brits, wat Jonker se poësie met 'n vars narratief en oorspronklike komposisies verweef.
Om die storie van ‘n legende te vertel, haar woorde te verwerk en ‘n nuwe musikale dimensie te gee, is ‘n groot voorreg. Mag dit ook dien as ‘n kniebuiging om haar stem weer nuwe asem te gee.
Die musikale landskap van die produksie word gevorm deur Chanie Jonker, wat as musikale regisseur en pianis optree. Geïnspireer deur Jonker se ikoniese digbundel 'Rook en Oker', is die musiek verweef met haar poësie om 'n nuwe perspektief op een van Suid-Afrika se mees gevierde literêre stemme te bied.
READ: Meet the actors playing the band in four Beatles biopics!
Hierdie is nie 'n konvensionele biografiese vertelling nie.
'Ingrid: 'n Vlam in die Sneeu' is 'n huldeblyk aan 'n vrou wie se poësie troos gebring het aan die wêreld, selfs terwyl sy self met haar eie hartseer geworstel het. Dit is ‘n herinnering dat liefde en woorde kan voortbestaan, selfs in die koudste landskappe.
Luister die volle onderhoud met Lizelle Pike en Nadia Beukes hier:
Datums en kaartjies
9 – 17 April: Die Centurion Teater, Gauteng
Kaartjies: www.centurionteater.co.za
29 Mei 2025: Die Boer Teater en Restaurant, Durbanville
Kaartjies: www.dieboer.com
30 Mei 2025: Die Koelkamers Teater, Paternoster
Kaartjies: www.diekoelkamers.co.za
31 Mei 2025: The Drama Factory, Strand
Kaartjies: www.dramafactory.co.za
1 Junie 2025: Drostdy Boutique Teater, Stellenbosch
Kaartjies: www.drostdyteater.co.za
Skakel in vir 'The Drive with Rob & Roz', weeksdae van 16:00 - 19:00. Stroom die program regstreeks hier of laai ons mobiele app hier af.
Luister na Jacaranda FM:
- 94.2
- Jacaranda FM App
- http://jacarandafm.com
- DStv 858/ OpenView 602
Volg ons op sosiale media:
Foto: Verskaf