Ontmoet die 10 boere van 'Boer Soek 'n Vrou'
10 Suid-Afrikaanse boere vir 'Boer Soek 'n Vrou' is op 19 Julie aan Suid-Afrika bekendgestel.
Die gewilde kykNET-werklikheidsreeks, 'Boer Soek ’n Vrou', kan nou 2020 se tien boere, wat vanjaar op ’n liefdesreis wil gaan om die ideale pasmaat te vind, onthul.
Vanjaar se boere se ouderdomme wissel tussen 24 en 52, terwyl daar drie boere van die Vrystaat, drie van die Wes-Kaap, twee van Mpumalanga, een van Gauteng en een van Noordwes is.
LEES: KYK: Ons leer ken die nuwe aanbieder van 'Boer Soek 'n Vrou' Marciel Hopkins
Anders as tevore, gaan voornemende pasmaats nie handafgelewerde briewe of pakkies vir boere kan stuur nie en sal slegs digitale inskrywings, wat ook deur ’n video vergesel kan word, aanvaar.
In die verlede is 'Boer Soek ’n Vrou', wat vanjaar deur Marciel Hopkins aangebied word, van Oktober tot Januarie uitgesaai, maar die Covid-19-pandemie het produskie vertraag en die dertiende reeks sal dus eers in 2021 op kykNET afskop. Kykers sal die boere se liefdesreis van Donderdag 21 Januarie kan begin volg en ouder gewoonte sal die reeks, wat uit 13 episodes bestaan, fokus op die vyf boere wat die meeste inskrywings ontvang het.
Hier is die 10 boere wat opsoek is na liefde:
Albert, 24
Boerdery: Rooibostee, citrus en skape
Gebied: Clanwilliam, Wes-Kaap
Déan, 28
Boerdery: Macadamia-neute
Gebied: Nelspruit, Mpumalanga
Hannes, 52
Boerdery: Gemengde Boedery
Gebied: Kroonstad, Vrystaat
Kobus, 52
Boerdery: Gemengde Boedery
Gebied: Randfontein, Gauteng
Marthinus, 25
Boerdery: Gemengde Boedery
Gebied: Arlington, Vrystaat
Mathys, 25
Boerdery: Skaap, Bees en Bosbou
Gebied: Dullstroom, Mpumalanga
Niel, 32
Boerdery: Vrugte
Gebied: Grabouw, Wes-Kaap
PF, 30
Boerdery: Vee, Groente en Saad
Gebied: Lainsburg, Wes-Kaap
Richann, 29
Boerdery: Skilderbokke
Gebied: Vredefort, Vrystaat
Stephan, 40
Boerdery: Bees en Saai
Gebied: Lichtenburg, Noordwes
